首頁 › 服務範圍 › Proofreading & 潤色改稿
論文潤色及 Proofreading
你自己寫好咗，我哋負責執到交得出手。分基礎校對同深度潤色兩級，全部用 Word 追蹤修訂，你睇得到我哋改咗咩、可以逐項接受或拒絕。
咩情況啱用潤色服務
簡單分辨：內容你自己有，但覺得「唔夠靚」或者「唔似學術英文」——就係呢一頁。
如果內容本身仲未寫好，或者方向已經錯咗，潤色救唔到。嗰種情況我哋會誠實叫你去睇代寫服務，唔會收咗錢先講。
基礎校對 vs 深度潤色，分別喺邊
好多同學以為潤色就係捉錯字。其實真正拉開分數嘅係語氣同邏輯，唔係串字。
| 處理項目 | 基礎校對 | 深度潤色 |
|---|---|---|
| 串字與標點 | ✓ 有做 | ✓ 有做 |
| 文法與時態 | ✓ 有做 | ✓ 有做 |
| Reference 格式統一 | ✓ 有做 | ✓ 有做 |
| 排版與院校格式 | ✓ 有做 | ✓ 有做 |
| 學術語氣（去口語、去縮寫） | — | ✓ 有做 |
| 句式重組、消除冗贅 | — | ✓ 有做 |
| 段落過渡與邏輯連貫 | — | ✓ 有做 |
| Topic sentence 補強 | — | ✓ 有做 |
| 論證薄弱位置標註建議 | — | ✓ 有做 |
| 字數壓縮或擴充 | — | ✓ 有做 |
| 改寫程度 | 輕微，句子結構基本保留 | 中度，句子會重寫但論點不變 |
| 適合邊種人 | 英文底子唔錯，只想清錯處 | 想由 Pass 級提升到 Merit / Distinction 級 |
唔肯定自己要邊級？發一兩頁樣本過嚟，我哋會直接同你講你嘅稿件實際需要邊種，唔會硬推貴嗰級。
如果你份assignment交咗Turnitin 變到成份紅色 ，可以先睇AI 偵測率高嘅五個原因。
我哋點樣改你份稿
最緊要係透明。你要睇得到我哋改咗乜，先信得過份稿仲係你嘅。
STEP 1
睇稿定級
收到你份稿之後先快速通讀，判斷需要基礎校對定深度潤色，然後先報價。你唔使自己估。
STEP 2
逐句處理
全程開住 Word 追蹤修訂。文法、語氣、句式、邏輯逐句執，唔會用軟件跑一次就交。
STEP 3
加註解說明
改動較大或者論證有問題嘅位，會喺旁邊加 comment 講明點解咁改，等你知道自己嘅寫作弱點喺邊。
STEP 4
交兩個版本
一份帶追蹤修訂（你可以逐項睇同揀），一份已經接受晒所有修改嘅乾淨版，可以直接交。
字數與建議預留時間
潤色通常喺死線前幾日先諗起。所以我哋盡量壓短時間，但有啲位真係唔可以趕。
| 字數範圍 | 常見對應 | 建議預留時間 |
|---|---|---|
| 1,000 – 3,000 字 | 一般 Essay、Reflective Report | 基礎 24 小時｜深度 2 天 |
| 3,000 – 8,000 字 | 長篇 Essay、Coursework、單章論文 | 基礎 2 天｜深度 3 – 4 天 |
| 8,000 – 20,000 字 | FYP、Master Dissertation | 基礎 4 天｜深度 7 天 |
| 20,000 字以上 | MPhil、PhD Thesis | 分批交付，個別排期 |
| 急件 | 任何字數 | 可以做，但深度潤色唔建議極急——執得太趕反而會漏 |
交完之後你自己再改咗啲嘢，想我哋再睇一次？同一份稿嘅二次檢查唔另收，直接發返過嚟。
支援格式、附加項目與常見學科
英式定美式英文？你揀，我哋全份統一，唔會半份 organisation 半份 organization。
專業術語我哋唔會亂改。學科寫手會確認邊啲字係該領域嘅標準用法，唔會為咗「靚啲」改走咗正確術語。
三項寫明的保證
不用你事後追問，交稿時一次過給齊。
Turnitin 原創度報告
每份稿件交付時附上 Turnitin 重複率報告，讓你清楚知道實際數字，而不是聽我們口頭保證。
AI 偵測報告
院校近年加強檢查 AI 生成內容。我們交稿時同步提供 AI 偵測工具嘅檢測結果，數字擺在眼前。此為第三方工具結果，不等同院校判定，亦不可視為認證。
免費修改
交付後如稿件未符合原本 Assignment 要求，提供免費修改。修改範圍以落單時提交嘅 brief 及 Rubric 為準；如中途更改題目、字數或研究方法，屬新工作範圍，會先報價。
潤色常見問題
仲有其他問題？WhatsApp 直接問，唔使留 email。
潤色之後份稿仲算唔算係我寫？
算。我哋改嘅係表達方式，唔會改你嘅論點、數據同結論。全部改動用追蹤修訂顯示，你逐項睇得到、可以拒絕任何一項。呢個係大部分院校都接受嘅 language editing 範圍。
我用 AI 寫咗初稿，你哋幫唔幫我改到唔似 AI？
我哋會做語言層面嘅重寫——AI 文最明顯嘅特徵係句式太整齊、用詞太平均、缺少具體例子同立場。呢啲我哋改得到。但要坦白講：如果內容本身空洞、冇真實分析，改文法都救唔到，我哋會直接同你講。
我份稿超咗字數 20%，你哋刪唔刪得到？
刪得到，而且係深度潤色最常見嘅要求之一。我哋會由冗贅句式、重複論點、過長引用開始刪，盡量保住所有論點。如果一定要刪內容先達標，我哋會列出建議刪嘅段落畀你決定，唔會自己話事。
你哋會唔會改我嘅專業術語？
唔會亂改。配對嘅寫手係同一學科背景，識分邊啲係該領域嘅標準用法。如果覺得某個術語用錯咗，我哋會加 comment 提出，由你決定改唔改。
Reference list 有幾十條，你哋逐條核？
深度潤色會逐條核格式，並檢查 in-text citation 同 reference list 有冇對唔上（引咗但漏咗列、或者列咗但正文冇引）。呢個係最常見嘅扣分位，亦係最花時間但最少人做嘅工序。
我份稿係 Supervisor 已經睇過並且改過，你哋會唔會改返轉頭？
唔會。落單時將 Supervisor 改過或者 comment 過嘅位標示出嚟，我哋會避開嗰啲位，或者只做最基本嘅文法處理。呢點好重要——改走咗 Supervisor 嘅意見係大忌。
可唔可以只改其中幾章？
可以。長篇論文好多人只想執 Introduction 同 Discussion 呢兩章，因為呢兩章最影響印象分。講明邊幾章就得，按實際字數報價。
落單要準備啲咩？
三樣：Word 檔（唔好用 PDF，PDF 改唔到追蹤修訂）、你要邊一級（唔肯定就發樣本我哋幫你判斷）、死線。另外有院校格式指引或者 Supervisor comment 就一併發過嚟。
你可能仲需要
唔肯定要邊一級？發一兩頁過嚟
我哋睇完會直接同你講你份稿實際需要咩，唔會硬推貴嗰級。報咗價唔滿意可以唔做。
支援 FPS 及 PayMe · 不索取學號或校方帳號 · 稿件不轉售